تسع شهور من الألم من يطيق
غير أمٍ تفرح بحمل الضنى وتريد
سكرة الموت في لحظة شهيق
حلم وتحقق لها بصرخة وليد
الوصال اللي تعلق بحبل رقيق
انقطع ولكنك عقبه ما أنت وحيد
ولك أمٍ على صوت مزعج تفيق
تدفيك من برد الليالي والجليد
تسهر ومن صدرها تسقيك رحيق
سلسبيل الحب يسرى بالوريد
تسقيك من صدرها عطف دفيق
والسقم لا حاشك اسهرها تنهيد
وخوف عليك طول العمر يستفيق
ما ينتهي لوّك عن عيونها بعيد
اسأل عليها تراها من بعادك تضيق
وادع ربك ينكتب لك برها تأكيد
يا عسى كل خطوه في رضاها ما تعيق
وادعي لها بكل سجدة بالعمر المديد
لو تفقد النور وإنت بنص الطريق
تعرف قيمة الشمس والراي السديد
الأربعاء فبراير 08, 2012 4:11 am
